It sit derop! Hjir binne wat foto’s en fideo’s om noch efkes nei te genietsjen.
Details fan de kostúms:
Noch mear sjen? Sjoch op ús Facebook en Instagram:
Bylden fan De saak De Haan
Selfies, fansels!
In selfie is yn it Frysk in selske, in selfie is yn it Frysk in selske
Dat ha ik leard fan muoike Elske en wat dy seit is wier!
De earste foto’s
Hjirûnder sjogge jim de earste foto’s, letter komme der mear!
Gouden Gurbe nei Reduzum?
Wy binne frege at wy mei ús ús teaterstik De saak De Haan meidwaan wolle oan de Gouden Gurbes, fan de Ljouwerter Krante en Keunstwurk. Dêr kinne wy fansels gjin nee tsjin sizze. Wy binne der tige grutsk op!
Wat soe it dochs…
Wat soe it dochs moai wêze as de minsken it ris mei-elkoar iens waarden.
Wat soe it dochs moai wêze as wy ús oardiel oer alles net allinne op emoasjes basearren.
Wat soe it dochs moai wêze as wy earst ris neitochten foar’t we wat sizze.
Wat soe it dochs moai wêze as elkenien yn Reduzum itselde tocht oer De saak De Haan.
Mar nee.
Der binne dus yn ús doarp, dêr’t we oars sa mei-inoar-ien binne, helaas, helaas, in pear minsken, dy’t der Oars Oer Tinke. Dy’t net sjogge hoe’t dizze situaasje rûnom de Haan fan Sjirk en Japke ús doarp hielendal stikken makket.
En it binne altyd deselden. Ik bedoel, dy mefrou De Morero (of hoe’t se mar hjit), it is in bêst minske. Mar se praat mei har hynder. Dus wat sy allegear mient fertelle te moatten op Facebook oer ‘De relatie tussen mens en dier’ en ‘Dat wij ons moeten openstellen voor wat de Haan ons te zeggen heeft’, dat is fansels flauwekul. En ik ha heard dat Henk Hardware ek foar de hoanne is! Ek sa’n ien dy’t him altyd drok makket oer de ferkearde dingen. Lit him om syn hert tinke, de dwaas.
Ik? Nee, ik gean der net hinne yn juny. Al dy domme sensaasje. Ik bliuw lekker thús, in bytsje poezefilmkes sjen op myn mobyl. Dat fyn IK dus leuk. En salang’t wy hjir noch yn in frij lân libje doch ik wat IK leuk fyn. Ik lês wol yn ’e Linepraat fan july hoe’t it ôfrûn is. Mei De saak De Haan.
Boeiûh.